Johann Vyghe aus Neuenkirchen stiftet für sich und seine Ehefrau eine Memorie für die Warflether Kirche in eigenartiger Form. Ick Johan Vyghe wanafftich to Nyggenkarken, Lücke myn echte husvrouwe unde unse rechten arven bekennen unde betugen apenbar in dessen breve vor alzweme, de ene seen und der hören lezen, dat wy hebben myt ghuden endrachtigen vryggen wyllen vorlaten unde vorlaten jeghenwardygen in crafft desses breves (ghelyck de duchtigen erbaren Wylhelm van den Bussche to Delmenhorst, Wyldeshusen unde Harpstede drost, ock de ergenante Johan Steding, in der sake vulmechtiger raid, vormunder Ghezeken van Runne nalaten wedewe selyghen Marten Papen ghedan hebben), desulven Molenwurdt ghelegen in deme Stedinghelande to Hannover by der Sylbrugghen der hilgen hemmelkoninghinne Unser leven vrouwen to Warvellete eren vorstenderen, de nu sint unde ewych na em kamen mögen, in er hebbende bruclyke reggeren to Unser leven vrouwen besten der vorbenompten cappelen. Und wen wy van dodes halven vorschenen sint, so schult de vorstendere der vorbenompten cappellen umme unser vorlatinge wyllen, so wy to ewygen tyden don unde don hebben, uns scriven laten unghesumet in dat Myssebock der vorbenompten cappellen, dat uns dar ewyg memorye und dechtnisse schee vor unse seien, unde der gheven gheheten de wurde, dar desuleve Molenwurdt äff ut ghekamen is. Dat it war unde vast is, so baven screven steyt, betuge ick Johan ergenant vor my unde myne rechten arven myt mynen rechten anghebaren ingesegel, wytlyken hangen heten benedden an dessen breff, ghegheven na ghades bordt dusent vyffhundert und teyn an deme Sondage Cantate. Datierung: 1510 April 28 (an deme Sondage Cantate)
