Die sechzehn Richter und das ganze Land Rüstringen übernehmen die Bürgschaft, dass sich die Stedinger der Lechterseite nicht wieder gegen das Erzstift Bremen erheben werden. Universis Christi fidelibus hanc paginam inspecturis consules sedecim et tota terra Rustringie salutem in eo, qui est salus omnium. Scire volumus tarn natos quam nascituros, quod Stedingi trans Huntam habitantes, cum ad graciam venerabilis domini nostri Hildeboldi sancte Bremensis ecclesie archiepiscopi et ecclesie redirent, iuraverunt, quod numquam se archiepiscopo Bremensi et ecclesie opponerent, iuraverunt eidem archiepiscopo et ecclesie fidelitatem perpetuam servare, iuraverunt Stedingos Transhuntanos, qui obedire contempnerent, tamquam inimicos mortales vitare et tamquam inimicos cum archiepiscopo et ecclesia Bremensi usque ad exterminium exstirpare, adiicientes, si predictorum iuramentorum in aliqua parte transgressores invenirentur, quod ipso facto favore nostro et amicicia sint perpetuo spoliati. Nos igitur negocio tam favorabili et fructuoso operam quam possumus impendere volentes, ut suo robore perseveret sine fine, presenti scripto sigillo nostro roborato bona et inviolabili fide promittimus. Quod si predicti Stedingi in aliquo articulo de premissis iuramentorum suorum transgressores inveniantur, quod ipso facto omni favore nostra et occulta amicicia et manifesta sint spoliati, et ipsos tamquam inimicos mortales cum archiepiscopo Bremensi et ecclesia prosequemur. In cuius testimonium et munimen presens scriptum sigillo nostro duximus muniendum. Datum in Rustringia die beati Mathie apostoli anno domini MCCLX. 1260 Februar 25 (die beati Mathie apostoli anno domini MCCLX)
